حادى بادي

حادي بادي
خد من هنا
و من الناحية دي
عايز تسرق . .. يكون قدامي
و آلا راح اصرخ
و أقول ده حرامى
سرق الحاجة من قدامي
حادي بادي
خد من هنا
و من الناحية دي
مد إيدك يالا بسرعة
و اسرق تاني كمان وكمان
و أوعى يوم تستني القرعة
ح يجي دورك بعد زمان
عايز ارض كبيرة و واسعة
هي صحيح من ارض الدولة
بس عشانك تكون ببلاش
تاخد قرض بس كبير
عارفك دايما غاوي توفير
نحوله لك على هناك
و آلا تحب ف ايدك كاش
يالا قوام ماتستناش
ما فيش وقت للتفكير
لو ح تأخر مد ايديك
كل الناس ح يدوسوا عليك
و تبقى يا خويا في خبر كان
و يقولوا عليك كمان إنسان
عاش فاضي و عامل قاضى
حادي بادي
خد من هنا
و من الناحية دي
عايز تعيش في بلادنا دا هيّ
مش ح تعيش عمرك بضمير
و لو ضميرك فكر يصحا
بسرعة قوام حقنة تخدير
خدها نصيحة
مني صريحة
لوجه الله
اسرق بلدك لأجل تعيش
دوس على غيرك
خد من قوته و لا تخليش
و لا تختيشيش
لو قالوا حرامي
و قول على طول يالا كلامي
حادي بادي
جوه بلادي
السرقة دي عادي