سكرات موت

حاسس إنى ح أموت
روحــى حـــــلقومى
مش عـــايزة تــفوت
اطرافى باردة
اعصابى باردة
حاسـس بدم عروقي
كــــأنه مش موجود
يمكن قلبي مات ؟!!!
و الا كلى في الأصل مات ؟!
مات لما نسيت دراعي اللى طار
مات لما نسيت عيني اللى راحت
و عشت ف ضــلمة في عز النهار
مات لما نسيت ... ؟!
و الا لما ..... ؟! و الا لما ......؟!
مات لما رضيت...!
مات يوم ما مضيت
بدم اخويا اللى مات
مات يوم ما مضيت
على جثث الصبيان و البنات
اللى كانوا لسه ف أول النهار
مستنين جرس الفسحة
لاجل يفــــكوا الحصار
لكن الفســحة لسه بعيد
و هما لسه بيستهجوا أول الكلام
و الكلام النهاردة عن السلام ...
........... عن الأمان.......
و ان صاحب عمره ماكان جبان
ودق جــرس الحصة
و ضاع صوته
ويا صوت الطيارات
و جريت الولاد .. تصرخ
و تعيـــــط البـــنات
و سال دمهم ع الكرسات
سال الدم محى كلمة سلام
و لسه جــــــرس الفسحة
مستني لحظـــة الأنطلاق
لأجل ما يعـــــلى بصوته
و يتـــــحرر الــــولاد
لكـــــنه مــــات
و قعت عليه الحيطان ...
زي الــــــولاد
اللى عينيهم غمضت
قبل طلوع النهار
في مدرستهم بحر البقر
عرفتوا قلبى مات ؟
لما غصب عني
اتعلمت إنى اخاف
اتعلمت يملى سكوتى الكون
و يموت جوايا الكلام
لما اتعلمت ان الضعيف
و حده ح يكون في سلام
و اعيش تابـــــع للقوى
لاجل ما حـــــافظ على
كــام رغيـــف عــــيش
مايكــــــفونيش
و تمـــــلى أعـــــيش
بينــــــــهم ع الفتات
عارف امتى قلبى مات ؟
لما غصب عنى قلت حاضر
لما عشان ابنى يعيش ... قلت حاضر
لما عشان انهى الحروب .. قلت حاضر
حاضر .... حاضر
حاضر للى بيـــــدينى لقمة عـــــيش
حاضر للى يفرق مابينا لاجل يعيش
و حفر و سطر على التاريخ كلمته
"فرق تسد "
فرق تمـــلى فيهم خليهم شعوب
ازرع الكره بينهم خليهم شعوب
" فرق تسد "
اقــتل و دبح فـــيهم دول عبيد
و العبد طوع سيده و انت سيد
"فرق تسد"
لا تــــبقى ولا تــــذر..
على الأرض مخلوق اسمه العرب
دا الضعف فيهم و الوهن فيهم
و لايعرفوش الا الهرب
" فــــرق تسد "
علـــموها للـــــــعيال
علـــــــموهم الدبح فينا
و دبحـــــــهم لينا حلال
علــــموهم ازاى يعادوا
و بالقـــنابل ازاى يهادوا
و يمضوا ع الهدية كمان
بس احنا مضينا و السلام
و فات على الامضا زمان
خلى المعاهدة هي .. هي
و كـــــــمان خلى السلام

حاسس خلاص انى بموت
روحــــى اهه.....
شايـــــفه خارجة للملكوت
و قبل ما اقرا عليها السلام
و قبل مـــانهى الكـــــلام
أحب أقول ....
إنى ضد كل الحروب
و ضد الخراب و الدمار
و اني عاشق للــــــسلام
اذن فلتـــــحيا الــــــسلام
فلتــــــــــــحيا الســـــــلام

21 /9/2006